Tge è la Posta Rumantscha?
La Posta Rumantscha è ina glista da radund 600 adressas dad e-mail. Mintgin che ha registrà sia adressa, ha abunà la Posta Rumantscha. Quai vul dir: Ella u el po leger ils e-mails che auters scrivan a la glista e po sez scriver a tut ils abunents da la glista.
Quai è simpel, bun, rumantsch e gratuit!
Tge far per retschaiver ils e-mails da la Posta Rumantscha?
Registrescha tia adressa dad e-mail cun quest formular:
Co scriver e-mails a tut ils abunents da la Posta Rumantscha?
Sche ti vul communitgar insatge, scriva in e-mail a
posta-rumantscha@giuru.ch.
E-mails a la Posta Rumantscha pon be vegnir tramess dad adressas d'e-mail che retschaivan era la Posta Rumantscha. Per plaschair betg trametter e-mails pli gronds che 2 MB.
Per evitar e-mails nungiavischads (spam) vegn mintga e-mail controllà manualmain. Perquai cuzzi in pèr uras fin che l'e-mail arriva tar ils abunents.
Co sortir da la Posta Rumantscha?
Quai è exact uschè simpel sco s'annunziar. Simplamain scriver l'adressa dad e-mail en quest formular:
Tecnica
Deplorablamain èn ils e-mails d'administraziun mo avant maun en ina versiun tudestga. La tecnica è da mailman (list.org). Sche ti has quaidas da translatar: T'annunzia!